Áherslur í heilbrigðismálum

Heil­brigðismál snerta okk­ur öll og eru flest­um hug­leik­in. Það er nauðsyn­legt að framtíðar­sýn og stefna stjórn­valda í jafn um­fangs­mikl­um og mik­il­væg­um mála­flokki sé skýr til að tryggja há­marks­gæði þjón­ust­unn­ar og sem hag­kvæm­ast­an rekst­ur. Í upp­hafi þessa árs lagði ég fram þings­álykt­un­ar­til­lögu um heil­brigðis­stefnu til árs­ins 2030 sem nú er til um­fjöll­un­ar í vel­ferðar­nefnd. Áhersla er lögð á sjö grunnstoðir sem heil­brigðis­kerfið bygg­ist á og á við um alla heil­brigðisþjón­ustu sem veitt er. Þess­ar grunnstoðir lúta að stjórn­un og for­ystu í heil­brigðis­kerf­inu, mik­il­vægi þess að rétt þjón­usta sé veitt á rétt­um stað, efl­ingu og upp­bygg­ingu mannauðs, mark­viss­um og hag­kvæm­um kaup­um á heil­brigðisþjón­ustu, vald­efl­ingu not­enda, gæðakröf­um til þjón­ustu­veit­enda og framtíðar­sýn um mennt­un, vís­indi og ný­sköp­un í heil­brigðis­kerf­inu.Á grunni stefn­unn­ar hef ég ákveðið að setja til­tek­in verk­efni nú þegar í for­gang þar sem þörf fyr­ir skýr­ar ákv­arðanir og mark­viss­ar aðgerðir er mjög brýn. Verk­efn­in eru:

Heil­brigðisþjón­usta við aldraða, sam­hliða stór­sókn í fjölg­un hjúkr­un­ar­rýma verður lögð áhersla á mark­viss­ari heil­brigðisþjón­ustu við aldraða og aukið for­varn­astarf með heilsu­efl­ingu og end­ur­hæf­ingu.

Þjón­usta við fólk með heila­bil­un, vinna við stefnu­mót­un á þessu sviði er haf­in.

Áfeng­is- og fíkni­efna­mál verða í for­gangi með sér­stakri áherslu á bætta þjón­ustu við ungt fólk með áv­ana- og fíkni­sjúk­dóma, meðal ann­ars með stór­auk­inni aðkomu Land­spít­al­ans sem veiti börn­um og ung­menn­um með neyslu- og fíkni­vanda, afeitr­un­ar­meðferð, bráðameðferð og aðra tengda sjúkra­húsþjón­ustu.

Inn­leiðing krabba­meinsáætl­un­ar, sem ætlað er að skerpa sýn, móta mark­mið og aðgerðir og stilla sam­an strengi allra hlutaðeig­andi í bar­átt­unni við krabba­mein.

Upp­bygg­ing sjúkra­flutn­inga, áhersla verður lögð á heild­stætt skipu­lag allra sjúkra­flutn­inga hvort sem þeir fara fram á landi eða með flugi.

Mark­viss­ari kaup á heil­brigðisþjón­ustu, meðal ann­ars með breytt­um fjár­mögn­un­ar­kerf­um þar sem hag­kvæmni, skil­virkni og gæði verða höfð að leiðarljósi.

Inn­leiðing gæðaáætl­un­ar embætt­is land­lækn­is verður mik­il­vægt tæki í öll­um fram­an­greind­um verk­efn­um þar sem gerðar eru skýr­ar kröf­ur til þjón­ustu­veit­enda um aðgengi­leika, gæði og ör­yggi þjón­ust­unn­ar.

Mönn­un, síðast en ekki síst legg ég áherslu á að gripið verði til aðgerða til að bæta mönn­un í heil­brigðis­kerf­inu. Horft verði til ná­grannaþjóða í því sam­bandi og gerð mannafla­spá fyr­ir næstu ár.

Ég er sann­færð um að heil­brigðis­stefn­an verði okk­ur mik­il­væg­ur veg­vís­ir næstu árin við að tak­ast á við þær áskor­an­ir sem við stönd­um frammi fyr­ir og efla heil­brigðisþjón­ustu í land­inu öllu, bæta gæði henn­ar og auka jöfnuð meðal not­enda á skil­virk­an og hag­kvæm­an hátt.